Mota hone ke liye Dexona aur Practin kha rahe hain? Janiye kaise ye 2 rupaye ki goli aapki Kidney aur Haddiyan gala rahi hai - Pharmacist Warning
 |
Meri pharmacy par aksar 18-20 saal ke ladke aate hain jo duble-patle hote hain.
Wo kehte hain— "Doctor sahab, bhookh nahi lagti, body nahi ban rahi. Wo mota hone wali 'Pudiya' bana do."
Jab main puchta hun ki abhi kya kha rahe ho, toh pata chalta hai wo chupke se Dexona aur Practin kha rahe hain.
Doston, Dexona koi takat ki dawa nahi hai. Ye ek Steroid (Dexamethasone) hai jo jaan bachaane ke liye ICU mein use hota hai.
Ise khakar aap mote nahi hote, aapka shareer Paani (Water Retention) hold kar leta hai aur aap 'Sooj' jate hain.
Main Pharmacist Aas Mohd, aaj aapko bataunga ki iska sach kya hai aur Safe Tarike se wazan kaise badhayein.
Dexona Asal mein Kya Karti Hai? (The Trap)
Jab aap Dexona khate hain, toh ye shareer se Namak (Sodium) nikalne nahi deti.
Isse aapka chehra Chand jaisa gol (Moon Face) ho jata hai aur pet nikal aata hai.
Ladko ko lagta hai "Waah! Body ban gayi."
Asliyat: Jaise hi goli band karoge, 5 din mein aap wapas "Pichak" jaoge aur pehle se zyada kamzor ho jaoge.
⚠️ Khaufnaak Side Effects (Jo Bataye Nahi Jate)
Agar aapne ise 1 mahine se zyada khaya, toh ye problems pakki hain:
Haddiyan Kamzor: Ye calcium khatam kar deti hai. Thodi si chot lagne par haddi toot sakti hai.
Skin Phatna: Kandho aur kamar par Stretch Marks aa jayenge jo zindagi bhar nahi jayenge.
Immunity Zero: Aapko baar-baar bukhar aur infection hone lagega.
Acne (Pimples): Pura chehra dano se bhar jayega.
Practin (Cyproheptadine) ka Role
Log Dexona ke saath Practin milakar khate hain.
Practin asal mein ek Allergy ki dawai hai, jiska side effect hai "Bhookh lagna" aur "Neend aana."
Ise akele lena fir bhi thik hai (kuch din ke liye), lekin Dexona ke saath milakar ye Liver par bahut load dalti hai.
✅ Pharmacist Guide: Wazan Badhane ka Sahi Tarika
Shortcuts maarenge toh shareer kharab hoga. Sahi rasta apnayein.
| Category | Sahi Advice (Pharmacist Opinion) |
|---|---|
| Dexona (Steroid) | Bilkul Band Karein. Aaj hi se band karein, lekin ekdum se nahi. Dhire-dhire dose kam karke chhodein. |
| Safe Tablet | Agar bhookh nahi lagti, toh Liv.52 DS ya Cypon Syrup lein. Ye safe hain. |
| Diet (Khana) | Dawai se body nahi banti. Rozana 2 Kele (Banana), Doodh aur Khajoor shake piyein. |
| Ayurveda | Ashwagandha aur Shatavari powder doodh mein milakar lein. Ye natural muscle banata hai. |
टिप्पणियाँ
एक टिप्पणी भेजें