Sugar ki dawai Metformin 500mg khane wale savdhan! Kya ye sach mein Kidney kharab karti hai? - Pharmacist Truth

 

- Personal Anubhav

Meri pharmacy par jab bhi main kisi patient ko Sugar (Diabetes) ki dawai deta hun, toh 10 mein se 5 log darr kar puchte hain— "Doctor sahab, suna hai Sugar ki angrezi dawai khane se Kidney fail ho jati hai? Kya main ise chhod kar Karela juice pi loon?"

Yeh sunkar mujhe dukh hota hai kyunki isi Galatfehmi (Myth) ki wajah se log dawai chhod dete hain aur unki Sugar 300-400 pahunch jati hai.

Main Pharmacist Aas Mohd, aaj aapko Metformin (Glycomet) ka pura sach bataunga. Kya ye waqai Kidney ke liye zehar hai ya Amrit? Janiye Medical Science kya kehti hai.

Metformin Asal mein Kya Hai? (Samjhein)

Jab kisi ko Type-2 Diabetes hoti hai, toh Doctors sabse pehli goli Metformin hi likhte hain.

Ye dawai insulin nahi badhati, balki ye 2 kaam karti hai:

Aapke Liver ko sugar banane se rokti hai.

Aapki Anto (Intestine) se sugar sokhne ki speed kam karti hai.

Ye duniya ki sabse purani, sabse sasti aur Sabse Safe dawai maani jati hai.

Sabse Bada Sawal: Kya ye Kidney Kharab karti hai?

Jawab hai: BILKUL NAHI.

Haqiqat ye hai ki Metformin Kidney kharab nahi karti, balki Badhi hui Sugar aapki Kidney kharab karti hai.

Log dawai tab shuru karte hain jab unki Kidney pehle hi damage hone lagti hai, aur unhe lagta hai dawai ne kiya.

Pharmacist Fact: Agar aap time par Metformin le rahe hain aur sugar control mein hai, toh aapki Kidney lambe samay tak safe rahegi.

⚠️ Asli Side Effect: Jise log nazar-andaz karte hain

Kidney toh safe hai, lekin Metformin ka ek Sachha Side Effect hai— Vitamin B12 ki Kami.

Agar aap 2-3 saal se ye goli kha rahe hain, toh aapke haath-pairon mein Jhanjhanahat (Tingling) aur Sunn-pan (Numbness) ho sakta hai.

Ye isliye hota hai kyunki Metformin pet se Vitamin B12 ko soakhne nahi deti.

Solution: Har 6 mahine mein ek baar Vitamin B12 ka course karein ya Multivitamin lein. (Best Multivitamin konsa hai, wo maine [https://apnapharmacistguide.blogspot.com/2026/01/blog-post_13.html?m=1] bataya hai).

✅ Pharmacist Guide: Sahi Dose aur Tarika

Sawal (Question)	Sahi Jawab (Pharmacist Advice)
Kab leni chahiye?	Hamesha Khane ke beech mein ya khane ke turant baad. Khali pet lene se acidity ho sakti hai.
Best Dose?	Shuruwat 500mg se hoti hai. Doctor ise 1000mg tak bada sakte hain report dekh kar.
Kya Kidney fail karti hai?	Bilkul Nahi. Ye kidney ko bachati hai. Kidney tab fail hoti hai jab aap dawai nahi khate.
Side Effects	Mooh ka swad kadwa hona, Pet phoolna aur lambe samay mein Vitamin B12 ki kami.

Pet Kharab hona (Common Problem)

Shuru ke 10-15 din, ye dawai lene se Gas, Dast (Loose motion) ya Pet mein bhari-pan ho sakta hai.

Isse dar kar dawai band na karein. Ye body adjust hone ka sign hai.

Agar gas zyada ban rahi hai, toh aap Pan-D capsule le sakte hain. (Gas ka capsule lene ka sahi tarika maine [https://apnapharmacistguide.blogspot.com/2026/01/pan-d-omez-capsule-uses-side-effects-hindi.html?m=1] samjhaya hai).

Lifestyle: Sirf Dawai se Sugar thik nahi hogi

Pharmacist hone ke naate main likh kar de sakta hun ki agar aap ye 3 kaam nahi karenge, toh duniya ki koi dawai kaam nahi karegi:

30 Minute Walk: Rozana subah tez chalna zaruri hai.

Methi Dana: Raat ko ek chammach Methi dana bhigo dein aur subah uska paani piyein.

Aata Badlein: Sirf gehu (wheat) ki roti na khayein. Usme Chana aur Jau (Barley) ka aata milayein.

💡 Pharmacist ki Aakhri Salah

Kabhi bhi padosi ki salah par Sugar ki dawai band na karein.

Diabetes ek Silent Killer hai. Ye dheere-dheere aankhon ki roshni aur kidney khati hai.

Metformin aapka dost hai, dushman nahi.

Swasth rahein, Meetha kam khayein.

Aapka Pharmacist Dost,

Aas Mohd