Daad aur Khujli (Ringworm) baar-baar wapas aa rahi hai? 5 rupaye ki galti aur Sahi Ilaaj - Pharmacist Guide
Meri shop par aise patients aate hain jo rote hue dikhate hain— "Doctor sahab, 6 mahine se daad (ringworm) hai, thik hota hai phir wapas aa jata hai."
Jab main unki purani tube dekhta hun, toh wo wahi Betnovate ya Panderm hoti hai.
Doston, Daad/Khujli ek Fungal Infection hai. Is par Steroid lagana aag mein ghee dalne jaisa hai.
Main Pharmacist Aas Mohd, aaj aapko wo ilaaj bataunga jisse ziddi se ziddi daad bhi jad se khatam ho jayega.
Kyun wapas aati hai Khujli?
Sabse badi galti: Steroid Cream lagana.
Agar aap gore hone wali ya mixed cream lagate hain, toh wo infection ko daba deti hai, marti nahi. Jaise hi cream band karte hain, wo double taqat se wapas aata hai.
(Maine Steroid Creams ke nuksan par pura article likha hai, aap [Yahan Click karke] padh sakte hain).
Sahi Ilaaj: Anti-Fungal Creams 🛡️
Pharmacist hone ke naate, main ye salts recommend karta hun:
Luliconazole (Lulifin/Luli): Ye aajkal sabse best kaam kar raha hai. Din mein 1 baar lagana hota hai.
Ketoconazole / Itraconazole: Ye purane infection ke liye hai.
Clotrimazole: Ye halke infection ke liye hai.
✅ Sahi Tarika aur Savdhani (Table)
(Pharmacist Guide)
| Sawal (Question) | Sahi Jawab (Answer) |
|---|---|
| Konsi Cream Best hai? | Luliconazole 1% cream sabse asardaar hai. Ise din mein 1 baar lagayein. |
| Kitne din lagani hai? | Thik hone ke baad bhi 7 din aur lagayein taaki jad se khatam ho. |
| Sabun konsa use karein? | Normal sabun band karein. Ketoconazole (Ketostar) sabun use karein. |
| Galti kya na karein? | Betnovate, Quadriderm ya Panderm jaisi mixed creams galti se bhi na lagayein. |
🧼 Safayi (Hygiene) Sabse Zaruri Hai
Sirf dawai se kuch nahi hoga, agar aap ye nahi karenge:
Kapde Ubalna: Nahane ke baad apne underwear aur towel ko garm paani aur Dettol mein dhoyein. Fungal ke germs kapdon mein zinda rehte hain.
Sabun: Nahane ke liye Ketoconazole Soap use karein, normal sabun nahi.
Meetha kam khayein: Sugar (chini) khane se infection badhta hai.
💡 Pharmacist ki Aakhri Salah
Agar infection 2 hafte mein thik na ho, toh cream ke saath Itraconazole 200mg capsule ki zarurat pad sakti hai (Doctor se puch kar).
Khujli mein nakhun (nails) na lagayein, isse ye shareer mein aur failta hai.
Swasth rahein, Saaf rahein.
Aapka Pharmacist Dost,
Aas Mohd
टिप्पणियाँ
एक टिप्पणी भेजें