Bawasir (Piles) se pareshan hain par sharam aati hai? Janiye Anovate Cream aur Pilex Tablet ka sahi ilaaj - Pharmacist Guide
Meri pharmacy par aksar kuch log aate hain jo idhar-udhar dekhte hain, phir dheere se ek parchhi (slip) aage badha dete hain. Us parchhi par likha hota hai— "Piles ki dawa."
Jab main unse puchta hun ki "Dard hai ya khoon aa raha hai?" toh wo nazrein jhuka lete hain.
Doston, Bawasir (Piles) koi sharam ki baat nahi hai, ye aajkal ki life-style mein Common Bimari hai. Agar aap sharam ke maare ilaaj nahi karwayenge, toh ye Operation tak pahunch sakti hai.
Main Pharmacist Aas Mohd, aaj aapko Piles ke dard aur masson (lumps) ko bina operation thik karne ka Scientific Tarika bataunga.
Bawasir (Piles) Asal mein Kyun Hoti Hai?
Dawai lene se pehle bimari ko samjhein.
Hamare pakhane wali jagah (Anus) par kuch nasein (veins) hoti hain.
Jab kisi ko Kabz (Constipation) rehti hai aur wo toilet mein zor lagata hai, toh wo nasein phool jati hain. Inhein hi hum "Massay" ya Piles kehte hain.
Khooni Bawasir: Isme dard kam hota hai par khoon aata hai.
Baadi Bawasir: Isme khoon nahi aata par dard aur khujli bahut hoti hai.
Cream vs Tablet: Kya Behtar Hai?
Pharmacist hone ke naate main patients ko ye combination deta hun jo 90% logon par kaam karta hai:
1. Lagane ke liye: Anovate / Shield Ointment
Ye creams Lignocaine ke saath aati hain.
Lignocaine ka kaam hai us jagah ko "Sunn" (numb) kar dena. Jaise hi aap ise lagate hain, 2 minute mein dard gayab ho jata hai aur aap aaram se baith sakte hain. Isme sujan kam karne ki dawai bhi hoti hai.
2. Khane ke liye: Himalaya Pilex / Daflon 500
Sirf cream lagane se bimari jad se nahi jayegi.
Pilex (Ayurvedic): Ye masson ko sukhane ka kaam karti hai.
Daflon 500mg (Allopathic): Ye un phooli hui nason ko wapas tight karti hai taaki khoon aana band ho jaye.
Ghar par "Sitz Bath" kaise lein? (Sabse Zaruri)
Dawai se bhi zyada zaruri hai Garm Paani ki sikayi.
Ek tub mein garm paani lein (jitna aap seh sakein) aur usme thoda sa Betadine ya Sendha Namak dalein.
Usme 10 se 15 minute tak baithein.
Ye process din mein 2 baar karein. Isse masson ki sujan 3 din mein aadhi ho jayegi.
✅ Pharmacist Guide: Sahi Dose aur Tarika
| Dawai (Medicine) | Lene ka Sahi Tarika (Dosage) |
|---|---|
| Anovate Cream | Toilet jane se 15 min pehle aur baad mein lagayein. Iske saath ek nozzle (nalli) aati hai, use andar tak lagana zaruri hai. |
| Pilex Tablet | Starting mein 2 goli subah aur 2 goli sham ko khana khane ke baad. 1 hafte baad dose kam karke 1-1 kar dein. |
| Kabz ke liye | Raat ko Cremaffin Syrup ya Isabgol lein taaki subah zor na lagana pade. |
| Sitz Bath | Din mein 2 baar garm paani ke tub mein 10 minute baithein. |
टिप्पणियाँ
एक टिप्पणी भेजें